السلام عليكم ورحمه الله وبركاته
القصه دى على اد ماهى بسيطه ومضحكه
لكن فيها عبرات كثيره جدا
القصه بتحكى ان زوج فالاربعين من عمره
ذهب للطبيب وقاله ان مراته بقا سمعها تقيل
وكل ما بيكلمها مش بترد عليه
الطبيب قاله ان علاج الحكايه دى صعب شويه
وقاله ده بيتحدد على اساس مرحله السمع وتقله
فهو الاول هيقف على بعد 40 متر ويكلمها
ثم يقترب حتى تكون المسافه بينهم 30 متر
لو مسمعتش يبقا يقرب لحد ماتبقا المسافه بينهم 20 متر
ولو مسمعتش يبقا يخلى المسافه 10 متر
الى ان يرى اى مسافه هتسمعه فيها
وفعلا لم يكذب خبر وذهب الزوج مسرعا للمنزل
ووقف على بعد 40 متر وقال لمراته
عاملالنا ايه عالعشا النهارده ياحبيبتى
فلم ترد
اقترب اكتر حتى اصبحت المسافه 30 متر وقالها
عاملالنا ايه عالعشا النهارده ياحبيبتى
لم ترد
اقترب حتى اصبحت المسافه 20 ثم 10
ثم وقف جنبها خالص وقالها
عاملالنا ايه عالعشا النهارده ياحبيبتى
قالتله ياحبيبي دى خامس مره اقوللك فراخ فالفرن!!!!!
طبعا فهمتوا
هو اللى كان سمعه تقيل مش هى
لكن هو شاف الاول انها هى اللى سمعها تقل عشان مش بترد
الموضوع بيتكرر كتير اوى فحياتنا
اننا نصيب غيرنا بما فينا
نرمى بالكلام مع ان احنا اللى غلطانين
لازم كل واحد يتريث قبل اصابه الغير بالظلم
لازم نفكر قبل مانظلم او نتهم حد
لان جايز اوى يكون العيب فينا مش فالغير